Friday, June 30, 2017

அ. for.. அலைச்சல்! ஆ..for... ஆதார்!!




ஆதார் எண்ணை இன்னும் எதெதுடன் இணைக்கச்சொல்லி மத்திய அரசு மக்களை அலைய விடப் போகிறதோ தெரியவில்லை.

அப்பாவி மக்கள் எல்லோரும் ஆதார் கார்டை வைத்துக்கொண்டு தெருத்தெருவாக திருவிழாவில் காணாமல் போன குழந்தையைப் போல் அலைந்துகொண்டு இருக்கிறார்கள்.

ஆதார் சேவைகளை ஆன்லைன் மூலம் பெற சில தகவல்களை இணைத்துள்ளேன்.மேலும் சில தகவல்களை அடுத்த பதிவில் பதிவிடுகிறேன். நன்றி! வணக்கம்!!


ஆதார் கார்டில் திருத்தம் செய்ய......

https://ssup.uidai.gov.in/web/guest/update


ஆதார் எண்ணை பான்கார்டு எண்ணுடன் இணைக்க:

https://incometaxindiaefiling.gov.in/e-Filing/Services/LinkAadhaarHome.html


உங்களுடைய ஆதார் எண்ணை கண்டுபிடிக்க....

https://resident.uidai.gov.in/find-uid-eid


இ-ஆதார் பதிவிறக்கம் செய்ய....

https://eaadhaar.uidai.gov.in/



தமிழ்நாடு ஸ்மார்ட் கார்டில் திருத்தங்கள் செய்ய மற்றும் குடும்ப உறுப்பினர்களின் ஆதார் எண்களை இணைக்க...


https://tnpds.gov.in/


.....

Wednesday, May 10, 2017

மதில் மேல் மந்தி(ரி)கள்



 
சித்தி சகலகலா மற்றும் T.DVD மாமா  க்கு.....

கடைக்கோடித் தொண்டன் போட்ட ஓட்டுக்களைப் பொறுக்கி பதவிக்கு வந்து, கூவத்து பாரிலே நீங்கள் வீசிய கோடிகளையும் பொறுக்கி எடுத்துக் கொண்ட ஒரு ............  எழுதும் கடுதாசி.

நாய் விற்ற காசு குறைக்காது என்பார்கள். நான் உங்களிடம் வாங்கிய காசுக்கு மேலேயே உங்கள் குடும்பத்தைப் புகழ்ந்து ஆயா டிவியில் அளவுக்கு மீறி குரைத்து விட்டேன்.

எடுபுடிச்சாமிக்கு நம்பிக்கை வாக்களிக்க சொன்னீர்கள். கூவத்து பார் குதூகலத்துடனே சட்டசபைக்குள் நுழைந்து சட்டென கையை உயர்த்தி விட்டேன்.

அதன் பின்விளைவுகள் என்ன தெரியுமா?

அதைக் கேட்டால் அம்மா இறந்த போது ஆனந்தக் கண்ணீர் வடித்த உங்கள் கண்களிலேயே ரத்தக் கண்ணீர் வரும்.

சொல்கிறேன் கேளுங்கள்...

தொகுதிப்பக்கம் எட்டிப்பார்த்தாலே துடைப்பக்கட்டைகள் என் முகரைக்கட்டையை நோக்கி முன்னேறி வருகின்றன.

கார் கண்ணாடியை இறக்கினாலே காரித் துப்பி கழுவிக் கழுவி ஊற்றுகிறார்கள்.

அழுகிய முட்டையை வீசி எனது மூங்சியிலே ஆம்லெட் போடுகிறார்கள்.

எனது சொந்த வீட்டிற்கே பிக்பாக்கெட் திருடன் போல பின்வாசல் வழியாக செல்லவேண்டிய நிலை உள்ளது.

கரை வேட்டி கட்ட ஆரம்பித்தபோதே கௌரவம் எனும் கால்சட்டையை கழற்றி வீசி எறிந்து விட்டுத்தான் கட்சிப்பணி ஆற்ற வந்தேன். 

எனவேதான் மக்கள் மாட்டுசாணத்தை முகத்திலே வீசினாலும் மகிழ்ச்சியுடன் ஏற்றுக்கொள்கிறேன்.

சகலகலா, தின கரன்சி, சுதா கரன்சி, திவா கரன்சி, பாஸ் கரன்சி மட்டுமல்ல ஒரு கழுதைக்கு வாக்களிக்க சொன்னால் கூட கரன்சி வாங்கிக் கொண்டு கையை உயர்த்த காத்திருக்கிறேன்.

ஆனால்...

கூவத்து பாரிலே குடித்து விட்டு குத்தாட்டம் போட்டவனுக்கும் மூட்டுவலியாலே அங்கே ஓர் மூலையிலே முடங்கிக் கிடந்த எனக்கும் ஒரே பேமெண்ட் கொடுத்தால் கூட எனது மனது ஏற்றுக்கொள்ளும்.

 அதேநேரம்,

பேரம் பேசிய பேமெண்ட் ஒத்தை ருபாய் குறைந்தாலும் எனது கால்கள் ஓபிஎஸ் இல்லம் நோக்கி மூவ்மெண்ட் ஆகும் என எச்சரித்து...

 இக்கடித்தை தங்கள் பொற்பாதங்களில் சமர்ப்பிக்கிறேன்.

சிறைக்கம்பிகளோடு நான் சொல்வதையும் சிறிது எண்ணிப் பாருங்கள்!

நன்றி! வணக்கம்!!

இப்படிக்கு எந்த அணிக்கு தாவுவது எனத்தெரியாமல் தவிக்கும் ஆயி அம்மா கட்சி சமஉ. க்களில் ஒருவன்!

Wednesday, December 21, 2016

சாணிக்கு சண்டை











தமிழகம் முழுவதும் ஒரு மூத்திர சந்து கூட விடாமல் அதிமுக நிர்வாகிகளால் வைக்கப்பட்டு இருக்கும் பேனர்கள் மற்றும் ஒட்டப்பட்டுள்ள சின்னம்மா படங்களின் மீது சாணத்தை வீசி அடிக்க ஆத்திரத்துடன் திரியும் அதிமுகவின் அடிமட்டத் தொண்டர்களால் தமிழ்நாடு முழுவதும் மாட்டுச்சாணத்திற்கு மிகுந்த தட்டுப்பாடு ஏற்பட்டு உள்ளது. 

சாண அபிசேகத்திற்காக ஆங்காங்கே தெருக்களில் சிதறிக் கிடக்கும் மாட்டுச் சாணத்தை தொண்டர்கள் அகலமான பாத்திரங்களில் அள்ளிச் சென்று விடுகின்றனர்

இந்த சாண அபிசேகம் பிரச்சினையால் சாணத்திற்கு மிகுந்த தட்டுப்பாடு ஏற்பட்டு மார்கழி மாதத்தில் வீட்டுவாசலில் தெளிக்க போதிய அளவு சாணம் கிடைக்காமல் குடும்பப் பெண்கள் மிகவும் சிரமப்படுகின்றனர்.

இன்றைய காலகட்டத்தில் பெரும்பாலும் மாடுகள் உண்பதற்கு வைக்கோல் கிடைக்காததால் வால்   போஸ்டர்களையே தின்று உயிர் வாழ்கின்றன. எனவே அவை போடும் சாணங்களில் பசைத்தன்மை குறைந்தே காணப்படுகிறது.




இதனால் சின்னம்மா போஸ்டர் மீது ஒரு தடவைக்கு நான்கு தடவையாக அடித்தால்தான் பசக் கென்று மூஞ்சியின் மீது ஒட்டுகிறது. 

இதனால் கை வலியால் களைப்படைந்து விடும் உண்மை தொண்டர்கள் தரமான ஒரிசினல் சாணம் வாங்குவற்காக கிராமங்களை நோக்கி படையெடுக்கின்றனர்.

இந்த வாய்ப்பை பயன்படுத்தி ஒரு சில மாட்டுச்சாண வியாபாரிகள் மாட்டுச்சாணத்துடன் மனிதன் உள்ளிட்ட இன்னபிற விலங்குகளின் சாணத்தை கலப்படம் செய்து விற்று நல்ல லாபம் பார்த்து வருகின்றனர். 

இதனால் இந்த புதுவகையான சாணங்கள் அடிக்கப்ட்ட பேனர்கள் அருகில் நடந்து செல்ல நேரிடும் பொதுமக்கள் ஒரு வித வித்தியாசமான துர்நாற்றத்தால் பாதிக்கப்பட்டு மூக்கைப் பொத்தியபடி அதை கடந்து செல்கின்றர்.

எனவே சாணம் அடிக்கப்பட்ட சின்னம்மா பேனர்கள் மற்றும் போஸ்டர்கள் அருகில் பொதுமக்கள் யாரும் செல்லவேண்டாம் என பொதுநலன் கருதி எச்சரிக்கப் படுகிறது.

...

Friday, July 15, 2016

பிரிண்டர்களை கண்காணிக்கும் மென்பொருள்...TO COUNT PRINT OUTS!



  • ஒரு சில பிரிண்டர்கள் மற்றும் காப்பியர்களில் எத்தனை பிரிண்டுகள் எடுக்கப்பட்டுள்ளன என்ற விபரங்களை தெரிந்து கொள்ளும் வசதி உள்ளது. ஆனால் பெரும்பாலான பிரிண்டர்களில் இந்த வசதி கிடையாது.
  • அதனால்..
  • அலுவலகத்தில் பணிபுரிபவர்கள் தங்கள் சொந்த தேவைகளுக்காக பிரிண்டர்களைப் பயன்படுத்துவதை அறிந்து கொள்ள முடியாமல் போகிறது.

  • இதனால் பிரிண்டர்களில் டோனர் மற்றும் இங்க் சீக்கிரம் தீர்ந்து விடும்.பிரிண்டரும் சீக்கிரம் பழுதடைந்து விடும்.

  • சாதாரண பிரிண்டர்களில் இந்த வசதி இல்லா விட்டாலும்  ஒரு சில மென்பொருட்களைப் பயன்படுத்தி நாம்  இந்த வசதியைப் பெறலாம்.

  •  எப்படி?

  • பிரிண்டர் இணைக்கப்ட்டுள்ள கணினியில் கீழ்கண்ட மென்பொருளை தரவிறக்கம் செய்து  Install  செய்ய வேண்டும்.
  • lhttp://www.papercut.com/download/?http=https%3A%2F%2Fcdn.papercut.com%2Ffiles%2Fprint-logger%2Fcurrent%2Fpapercut-print-logger.exe

  • இந்த மென்பொருள் உதவியுடன் கீழ்க்கண்ட தகவலை நாம் பெற முடியும்.

  • 1. பிரிண்ட் எடுக்கபட்ட நேரம்.
  • 2. பிரிண்ட் யாரால் எடுக்கப்பட்டது?
  • 3. மொத்தம் எத்தனை பக்கங்கள் பிரிண்ட் எடுக்கப்பட்டது?

  • என்பது போன்ற மேலும் பல தகவல்கள் நாள் மற்றும் மாதம் வாரியாக ஒரு Excel File  ல் தொடரந்து சேமிக்கபடும்.


  • TO COUNT HOW MANY PAGES PRINTED IN YOUR LOCAL PRINTER....

THIS SOFTWARE IS USED TO GET DETAILS ABOUT:

  • 1. the time of print,
  • 2. the name of the user who printed,
  • 3. the total number of pages,
  • 4. document names and titles,
  • 5. other print job attributes such as paper size, color mode and more.
Print audit logs are available in a viewer friendly HTML format, or in CSV or Excel format.

....

Monday, September 21, 2015

what is WEB HOSTING? - WEB HOSTING என்றால் என்ன?




ஒரு இணையதளம் அல்லது ஒரேயொரு இணையப்பக்கம் நாம் உருவாக்கி விட்டதாக வைத்துக்கொள்வோம்.

அதனை இணையம் அதாவது Internet மூலமாக உலகம் முழுவதும் பார்வையிடும்படி செய்வது  WEB HOSTING எனப்படும்.

WEB HOSTING செய்வதற்கு தேவையானவை என்ன?...


1.  ஓர் இணையதளம் அல்லது இணையப்பக்கம் (A Web Site or  Web Page)

2. ஒரு வெப் செர்வர் (Web Server - for Example : IIS Web Server).

3.  இணைய வசதி.- (High Speed Internet Connection)



   இணைய வசதி கொண்ட ஒரு கணினியில் WEB SERVER - எனும் ஒரு Application - ஐ Install செய்து, அந்த Web Server - ல் ஒரு இணையதளத்தை இணைத்துவிட்டால் அதாவது Web Hosting செய்து விட்டால் அந்த இணையதளத்தினை உலகில் இணைய வசதிகொண்ட அனைத்து கணினிகளில் இருந்தும் பார்வையிட முடியும்.

இப்போது ஒரு இணையப்பக்கத்தை Web Hosing செய்வது எப்படி என பார்ப்போம்.

அதற்கு முன்....

1.

2. 

3.

 உங்கள் கணினியில் IIS Web Server நிறுவுவது எப்படி?



ஆகிய மூன்று பதிவுகளையும் படித்துவிட்டு மேற்கொண்டு தொடரவும்.

நாம் ஏற்கனவே mysite.html எனும் ஒரு இணையப்பக்கத்தினை தயார் செய்து விட்டோம். 

நாம் ஏற்கனவே IIS - வெப் செர்வரை நமது கணினியில் நிறுவி விட்டோம்.

அந்த mysite.html இணையப்பக்கமானது தற்போது நமது கணினியில் மட்டுமே பார்வையிட முடியும். 

அந்த mysite.html எனும் இணையப்பக்கத்தினை IIS Web Server - ஐப் பயன்படுத்தி எப்படி  Web Hosting செய்வது,  அதாவது உலகம் முழுவதும் பார்வையிடச் செய்வது எப்படி எனப் பார்ப்போம்.

1.   C:\ சென்று inetpub எனும் Folder-  ஐ  Open செய்யவும்.

2.  அதில் உள்ள wwwroot எனும் Sub Folder - ஐ  Open செய்யவும்.

3.   நமது கணினியின் Desktop பகுதியில் ஏற்கனவே நாம் உருவாக்கிய mysite.html      எனும் இணையப்பக்கத்தினை Copy  செய்து இந்த  wwwroot எனும் Folder- க்குள்       Paste செய்யவும்.



4. Start -> Search Programs (or) Run  சென்று inetmgr என்று  Type செய்யவும்.
      




5.  இப்போது IIS Web Server ஆனது Open ஆகும்.


6. உங்கள் கணினியின் பெயரில் தெரியும் Local Host -ஐ Righ Click செய்து , Start என்பதனை Click  செய்யவும்.இப்போது உங்கள் IIS Webserver -ஆனது முறைப்படி இயங்கத் தொடங்கும்.

(இங்கு குறிப்பிடப்படும் Localhost என்பது உங்கள் கணினியின் பெயரில் இருக்கும்.)



7. பின்னர்  Local Host-ஐ  Expand செய்து அதில் வரும் Default Web Site என்பதனை Right Click செய்து Swich to Content View - என்பதனை Click  செய்யவும்.


8. இப்போது வலது புறத்திலுள்ள Default Web Content எனும் பகுதியின் கீழ் உங்களது mysite.html எனும்  இணையப்பக்கமும் இணைந்திருப்பதைக் காணலாம்.



9.  ஒருவேளை உங்கள் mysite.html எனும் இணையப்பக்கமானது IIS Web Server - ல் மேற்கண்டவாறு காணப்படவில்லை எனில்  Default Web Site --ஐ Right Click  செய்து Manage Web Site  சென்று Restart என்பதனை Click செய்யவும்.


10. இப்போது உங்கள் mysite.html எனும் இணையப்பக்கமானது Hosting  செய்யப்பட்டு விட்டது. 

இப்போது ஏதாவது ஒரு Browser  -ஐ Open செய்து  Address Bar -ல் 

http://localhost/mysite.html  

அல்லது 

http://127.0.0.1/mysite.html

என டைப் செய்து Enter கொடுத்தால் உங்கள் mysite.html  இணையப்பக்கமானது IIS Web Server  - ல் முறைப்படி Hosting  செய்யப்பட்டுள்ளதை கீழ்க்கண்ட படத்தில் உள்ளவாறு தெரிவதை வைத்து அறிந்து கொள்ளலாம்.





127.0.0.1 என்ற  IP Address -ஆனது ஒரு கணினியின் Loop Back Address - என அழைக்கப்படுகிறது. 

அதாவது ஒரு கணினியிலிள்ள ஒரு HTTP செர்வருக்கு அதே கணினியிலுள்ள ஒரு HTTP Client ஆனது Request அனுப்பி Response  பெறுவதற்கு பயன்படும் ஒரு IP Address ஆகும்.

இந்த IP Address - ஆனது எல்லா கணினிகளுக்கும் பொதுவாக பயன்படுத்தப்படும் Loop Back IP Address ஆகும்.

சரி இப்போது நாம் ஒரு இணையப்பக்கத்தினை ஒரு கணினியில் Hosting செய்து அதே கணினியில் சோதித்துப் பார்த்து விட்டோம்.

 கணினியானது LAN - ல் இணைக்கப்பட்டிருக்கிறதா?

எனில், உங்கள் இணையப்பக்கத்தினை அந்த LAN -ல் இணைக்கப்பட்டுள்ள வேறொரு கணினியில் பார்வையிடுவோம். 

எப்படி?...

LAN - ல் ஒவ்வொரு கணினிக்கும் ஒரு பிரத்தியேக Private  IP Address - ஆனது கொடுக்கப்பட்டிருக்கும்.

உங்கள் கணினியின் Private IP Address தெரிந்து கொள்ள Command Mode -சென்று ipconfig என டைப் செய்தால் உங்கள் கணினியின் Private IP Address தெரிந்து கொள்ளலாம்.





உதாரணமாக உங்கள் கணினியின் IPv4 Address ஆனது மேற்கண்ட படத்தில் உள்ளதுபோல் 192.168.1.135 என வைத்துக்கொள்வோம்.

இப்போது உங்கள் கணினி இணைந்துள்ள LAN Network - ல் உள்ள வேறு ஒரு கணினியில் Browser - ஐ Open  செய்து Address bar -ல் http://192.168.1.135/mysite.html  என டைப் செய்து Enter கொடுத்தால் உங்கள் இணையப்பக்கத்தினை அந்த கணினியில் பார்வையிட முடியும்.


Hosting செய்யப்பட்ட உங்கள் இணையப்பக்கத்தினை அதே கணினியிலும் பின்னர் LAN - ல் இணைந்துள்ள மற்றொரு கணினியிலும் பார்வையிட்டு விட்டோம். 

இப்போது உங்கள் இணையப்பக்கத்தினை உலகில் உள்ள மற்ற அனைத்துக் கணினிகளிலும் எப்படி பார்வையிடச் செய்வது என்பதனை அடுத்த பதிவில் பார்ப்போம்.


....




Friday, September 18, 2015

How to install IIS Web server ? - உங்கள் கணினியில் IIS Web Server நிறுவுவது எப்படி?


உங்கள் கணினியில் Microsoft -  நிறுவனத்தின் IIS Web Server  நிறுவ வேண்டுமா?


ஒரு சில முக்கியமான Application - கள்  Windows Operating System -ல் ஏற்கனவே நிறுவப்பட்டிருக்கும். 

அவற்றை நாம் தனியாக Install  செய்ய வேண்டியதில்லை. 

தேவைப்படும்போது அவற்றை Enable  செய்து பயன்படுத்திக் கொள்ளலாம்.

தேவையற்றபோது அவற்றை  Disable செய்து வைக்கலாம்.

IIS Web Server - ம் அது போன்று Windows Operating System - ல் ஏற்கனவே நிறுவப்பட்ட ஒரு Application  ஆகும்.


நாம் அந்த Application - னை  Enable செய்தால் போதும். 

எப்படி?....

1.முதலில்  Control Panel செல்லவும்.



2.  Programs -என்பதனை Click  செய்யவும்.



3. Programs and Features - என்ற தலைப்பின் கீழ் உள்ள Turn Windows futures on or off - என்பதனை Click செய்யவும்.


4. பின்னர் வரும் Dialog Box - ல் என்ற Internet Information Services - தலைப்பினை Expand - செய்து கீழ்க்கண்ட படங்களில் உள்ளவாறு தேவையான Service - களை  Select செய்யவும்.









5.கடைசியாக Ok  Button -ஐ Click செய்யவும்.



இப்போது உங்கள் கணினியில் IIS Web Server ஆனது பயன்பாட்டிற்கு வரும்.

உங்கள் கணினியில் IIS Web Server - ஆனது நிறுவப்பட்டுள்ளதா என்பதனை தெரிந்து கொள்ள....

1. c:\  - ல்  inetpub என்ற Folder  உருவாகியிருக்கும்.

2. Browser ல் http://localhost என டைப் செய்து Enter கொடுத்தால் கீழ்க்கண்ட படம் திரையில் வரும்.





இப்போது உங்கள் கணினியில் IIS Web Server - நிறுவப்பட்டதை உறுதி செய்து விட்டீர்கள்.


 IIS Web Server - பயன்படுத்துவது எப்படி என்பதை அடுத்த பதிவில் பார்ப்போம்.


(குறிப்பு: மேற்கண்ட அனைத்து செய்முறைகளும் Microsoft - ன் Windows 7 க்கான வழிமுறைகளாகும். 

Windows XP- ல் Install செய்யும்போது    XP  CD - ஐ CD Drive- வில் போட்டு வைத்து விட்டு மேற்கண்ட செய்முறைகளை செய்யவேண்டும்.)

.....


Thursday, September 3, 2015

What is Web Server?- வெப் செர்வர் என்றால் என்ன?



வெப் செர்வர் என்பது  ஒரு Application அல்லது ஒரு Software  ஆகும். 

( ஆனால் சில சமயங்களில் வெப்செர்வர் Application பயன்படுத்தப்படும் கணினிகளும் வெப்செர்வர் என்ற பெயரிலேயே அழைக்கப்படுகிறது.)

இணையம் அதாவது  INTERNET ஆனது   , Client- Server முறையில் செயல்படுகிறது. 

இணையத் தொழில்நுட்பத்தில்...

வெப் செர்வர் என்பது SERVER எனில் CLIENT என்பது எது ?

அதுதான்  Browser ஆகும்.

உதாரணமாக நீங்கள் பயன்படுத்தும் Internet Explorer, firefox, Google Chrome போன்ற அனைத்து Browser -  களும்  Client softwares - ஆகும்.

Client -கள் கேட்கும் தகவலை கொடுக்க வேண்டியது ஒரு Server - ன் பணி.

CLIENT தகவல் கேட்கும் செயல் - REQUEST எனப்படும்.

SERVER தகவல் கொடுக்கும் செயல் - RESPONSE  எனப்படும்.






ஒவ்வொரு வெப் செர்வரும் ஒரு - Default Folder ஐ க் கொண்டிருக்கும். 

அந்த Folder - க்குள் நமது இணைய பக்கங்களை சேமித்து வைக்க வேண்டும்.



அப்படி வைக்கும் போது நமது இணையப்பக்கங்களானது உலகில் மற்றவர்களால் பார்வையிட முடியும்.

Default Folder அல்லாமல் வேறொரு இடத்தில் சேமித்து வைக்கப்பட்டுள்ள இணையப்பக்கங்களையும் Virtual Directory  என்ற முறையில் பயன்படுத்தலாம்.

உலகில் பிரபலமாகப் பயன்படுத்தப்படும் பல்வேறு வெப்செர்வர் Software களின் பெயர்களைத் தெரிந்து கொள்ள...


என்ற பதிவினை படிக்கவும்.


நாம் ஏற்கனவே சென்ற பதிவில் mysite.html என்ற பெயரில் உருவாக்கிய ஒரேயொரு இணையப்பக்கத்தை ஒரு வெப் செர்வர் மூலமாக எப்படி உலகத்திலுள்ள மற்றவர்களை பார்வையிட செய்வது என்பது பற்றி முதலில் பார்ப்போம்.

நாம் முதலில் எந்த வெப் செர்வரை பயன்படுத்துவது என்று முடிவு செய்ய வேண்டும்.

MicroSoft -நிறுவனத்தின் IIS -Internet Information Services எனும் வெப் செர்வரை பயன் படுத்துவது பற்றி பார்ப்போம்.....


......

Thursday, August 27, 2015

இணையதளம் உருவாக்குவது எப்படி? - How to Make a Website?




சாதாரணமாக ஒரு புத்தகம் (Book) என்பது பல்வேறு பக்கங்களின்  (Pages) தொகுப்பு ஆகும்.

ஒவ்வொரு பக்கத்திலும் எழுத்துக்கள் (Texts)  மற்றும் படங்கள் (Images) இருக்கும்.

அதுபோலவே ஒரு இணையதளம் (Website) என்பது பல்வேறு இணையப் பக்கங்களின் (Web Pages) தொகுப்பாகும்.

ஒவ்வொரு இணையப்பக்கமும் (Web Page)  எழுத்துக்கள்(Text), படங்கள் (Images), ஒலி(Audio), ஒளி(Videos) மற்றும் பல்வேறு மல்டிமீடியா(Multimedia) தகவல்களை உள்ளடக்கியதாக இருக்கும்.

ஒரு இணையதளத்திற்கு தேவையான இணையப்பக்கங்கள்(Web Pages), படங்கள்(Images) ஒலி(Audio) மற்றும் வீடியோ(Video) ஆகியவை அனைத்தும் ஒரு Folder - க்குள் வைக்கப்பட்டிக்கும்.

ஒரு புத்தகத்தின் முதல் பக்கம் Index Page எனப்படுகிறது. அதில் எந்தெந்த பக்கங்களில் என்னென்ன தலைப்பில் தகவல்கள் உள்ளன என்ற விபரம் அச்சடிக்கப்பட்டிருக்கும்.

அது போலவே ஒரு ஒரு இணையதளத்தின் முதல் இணையப்பக்கமானது Home Page என அழைக்கப்படுகிறது.

நீங்கள் ஒரு இணையதளத்தை பார்வையிடும்போது தெரியும் முதல் பக்கமே அந்த இணையதளத்தின் Home Page ஆகும்.

ஒரு இணையதளத்தின் நூற்றுக்கணக்கான இணையப்பக்களில் எந்த இணையப் பக்கம் Home Page - ஆக இருக்க வேண்டும் என்பதை அந்த இணையதளத்தை உருவாக்கியரே முடிவு செய்ய வேண்டும்.


இப்போது ஒரு சிறிய இணையப்பக்கத்தை (Web Page) உருவாக்குவது பற்றி பார்ப்போம்....

Notepad - ஐ திறந்து கீழ்கண்டவற்றை டைப் செய்யவும்...



முடித்தவுடன் அந்த File - ஐ "mysite.html" என்று பெயர் கொடுத்து Desktop - ல்  Save செய்யவும்.

நினைவில் கொள்ளுங்கள். File name  ஆனது " " க்குள் கொடுத்து Save  செய்யவேண்டும்.

பின்னர் Desktop சென்று பார்த்தால் அந்த File ஆனது ஒரு WebPage ஆக ஆகியிருப்பதை பார்க்கலாம்.

இப்போது அந்த Web Page - ஐ Double Click செய்யவும்.

அந்த Web Page ஆனது தானாகவே Browser மூலமாக Open ஆகும்.



இப்போது நாம் mysite.html என்ற ஒரேயொரு WebPage உருவாக்கி விட்டோம்.


இதுபோன்று பல Web Page - களை இணைத்து ஒரு WEB SITE உருவாக்கலாம்.

சரி. ஒரு இணையதளத்தை உருவாக்கி விட்டோம். அதை நாமே நமது கணினியில் பார்ப்பதற்கா உருவாக்கினோம்?

உலகமே அதை பாரக்க வேண்டாமா?

அதற்குத்தான் வெப் செர்வர் ( Web Server)  பயன்படுகிறது.


நாம் உருவாக்கிய இணையதளத்தை ஒரு போல்டருக்குள் பொட்டலம் போல கட்டி அதை வெப் செர்வர் எனும் ஒரு அப்ளிகேசனை திறந்து அதில் தூக்கி அந்த பொட்டலத்தை போட்டு விட்டால் உலகமே உங்கள் இணைய தளத்தை பார்வையிட முடியும்.

எப்படி செய்வது?

அடுத்த பதிவில் பார்ப்போம்......

....

RUN YOUR OWN WEBSITE FROM HOME -வீட்டிலிருந்தே இயக்கலாம் உங்கள் சொந்த இணையதளம்!




ஒரு பைசா செலவில்லாமல் உங்கள் சொந்த இணையதளத்தை உலகம் முழுவதும் பார்வையிட செய்யலாம்!

எப்படி?



முதலில் இணையம் அதாவது  Internet எப்படி செயல்படுகிறது என்பதை அறிந்து கொள்ள எனது முந்தைய பதிவுகளை படிக்கவும்.

வீட்டிலிருந்தே உங்கள் சொந்த இணையதளத்தை இயக்குவது பற்றி தெரிந்து கொள்ள எனது அடுத்தடுத்த பதிவுகளை தொடர்ந்து படிக்கவும்.....

அடுத்த பதிவில் இணையதளம் உருவாக்குவது பற்றி பார்ப்போம்!

....



Wednesday, August 26, 2015

Access Linux from Windows - விண்டோஸ் கணினியிலிருந்து லினக்ஸ் கணினியை இயக்க...



ஒரு நிறுவனத்தில் ஒரே நெட்வொர்க்கில் இணைக்கப்பட்டுள்ள அனைத்துக் கணினிகளிலும் விண்டோஸ் இயங்குதளம் உள்ளது.

அத்தனைக் கணினிகளிலும் லினக்ஸ் இயங்குதளம் பயன்படுத்தவேண்டிய தேவை ஏற்படுகிறது எனில்....

அனைத்துக் கணினிகளிலும் லினக்ஸ் இன்ஸ்டால் செய்யத் தேவையில்லை.

ஏதாவது ஒரு கணினியில் லினக்ஸ் இன்ஸ்டால் செய்து அந்த கணினியை மற்ற அனைத்து விண்டோஸ் கணினிகளும் இயக்க முடியும்.

முதலில் ஏதாவது ஒரு கணினியில் லினக்ஸ் இன்ஸ்டால் செய்ய வேண்டும்.

பிறகு அந்த லினக்ஸ் கணினிக்கு  அந்த நெட்வொர்க்கில் இணையும்படி  ஒரு IP Address கொடுக்க வேண்டும்.

உதாரணமாக:  192.168.1.123

பின்னர் PuTTY.exe என்ற  ஒரு Software -    கீழ்க்கண்ட  இணையதளத்திலிருந்து  Download செய்து அதை  மற்ற அனைத்து விண்டோஸ் கணினிகளிலும் நிறுவ வேண்டும்.


இப்போது விண்டோஸ் கணினியில் PuTTY.exe  - திறந்து லினக்ஸ் இன்ஸ்டால் செய்த கணினியின்  IP Address கொடுக்க வேண்டும்.

பின்னர்  PuTTY.exe - ல் லினக்ஸ் கணினியின் UserName மற்றும்  Password உள்ளீடு செய்தால்...

விண்டோஸ் கணினியிலிருந்து லினக்ஸ் கணினியை இயக்க முடியும்.

இதே முறையில் ஒரேயொரு லினக்ஸ் கணினியை மற்ற எல்லா விண்டோஸ் கணினிகளும் ஒரே நேரத்தில் இயக்கலாம்.

......